周末半日游 – 上水至落马州单车路线 Miss Sunny

踩单车来来去去都係沙田到大埔,屯门到元朗?今次 Miss Sunny 就由上水踩到落马州。整条落马州单车路线,沿路主要都係平地,人烟稀少,相当宁静,感觉好似置身台中一样呢!如果纯踩单车,唔计停留景点时间,大约 2.5小时就完成,属于轻鬆路线。沿途可以饱览水塘景观、观赏湿地雀鸟,仲会经过摄影圣地 – 大水渠!

(文章转载:Photoblog)

周末半日游 – 上水至落马州单车路线 Miss Sunny

建议路线:上水火车站 A3 出口 (约 0.35km) > 单车特卖场 Bike Store HK (约 2.2km)> 梧桐河 (约 0.8km)> 大水管(约 0.6km) > 罗太豆花 (约 1.5km)> 得月楼警岗 (约 2.2km)> 信义新村 (约 4.6km)> 落马洲湿地(全程约 12.2km)

落马州单车路线第一站:上水出发租单车

上星期五天气唔错,廿几度,又有少少凉风,最啱踩单车!Miss Sunny 就约咗几个朋友,朝早 10点出发租单车。租单车嘅地方都几易搵,上水火车站A3 出口行大约 5分钟就到「单车特卖场 Bike Store HK」。普通车 $50租一日,比起沙田平呢!如果想踩得舒服啲,可以租有高级避震嘅单车,都只係 $120租一日。检查清楚,相机、地图、蚊怕水都带齐就可以出发了!

周末半日游 – 上水至落马州单车路线 Miss Sunny
上水火车站A3 出口行大约 5分钟就到「单车特卖场 Bike Store HK」
周末半日游 – 上水至落马州单车路线 Miss Sunny
沿单车路直行就会见到租单车嘅地方。
周末半日游 – 上水至落马州单车路线 Miss Sunny
呢度有得租或买单车。
周末半日游 – 上水至落马州单车路线 Miss Sunny
普通车 $50/1day ; 高级避震单车 $120/day。

落马州单车路线第二站:畅游梧桐河畔

接着就係大约半小时的路程,先上天桥,经深港中心后,沿梧桐河向北踩。梧桐河左面係一片片农田,田边又好几间铁皮屋。沿路仲会见到唔少雀仔同牛牛,好有乡村风味!一路踩,有少少凉风,感觉好舒服。虽然过了行人天桥后,马路上嘅汽车数量变得非常少,不过大家都要注意安全啊!

周末半日游 – 上水至落马州单车路线 Miss Sunny
过行人天桥时记得落车推。过天桥后就会见到梧桐河。
周末半日游 – 上水至落马州单车路线 Miss Sunny
沿着梧桐河旁边一直踩,不禁落车影番张靓相。
周末半日游 – 上水至落马州单车路线 Miss Sunny
沿路已经见到唔少牛牛。
周末半日游 – 上水至落马州单车路线 Miss Sunny
虽然过了行人天桥后,马路上嘅汽车数量变得非常少,不过大家都要注意安全啊!

落马州单车路线第三站:摄影圣地大水管

沿着梧桐河一路踩到尽头,就係今次旅程中最靓嘅影相位之一。火车係头顶驶过,高高嘅电线杆,穿插着一条条又粗又大嘅水管,景色非常独特。如果唔太晒的话,大家可以泊低单车,係水管间影吓相,休息吓。不过影还影,唔好踩上水管呀!

周末半日游 – 上水至落马州单车路线 Miss Sunny
梧桐河尽头就係大水渠嘅位置。
周末半日游 – 上水至落马州单车路线 Miss Sunny
可以见到港铁喺头顶经过呢!
周末半日游 – 上水至落马州单车路线 Miss Sunny
喺水管间影相别有一番风味。
周末半日游 – 上水至落马州单车路线 Miss Sunny
其实水管係输送东江水嘅管道。

落马州单车路线第四站:$12任食豆腐花

踩多 8分钟左右,十字路口附近会有路牌指示,指示你去到「罗太豆腐花」。大家踩到攰都係时候休息吓!呢度最出名就係 $12 豆腐花同豆浆放题。身水身汗嘅时间食碗嫩滑嘅豆腐花,真係够晒歎!食几碗豆腐花都唔够饱的话,呢度仲提供两餸饭同餐肉煎蛋公仔麵,不妨係度充充电!

周末半日游 – 上水至落马州单车路线 Miss Sunny
十字路口附近会有路牌指示,指示你去到「罗太豆腐花」。
周末半日游 – 上水至落马州单车路线 Miss Sunny
豆腐花 $12 任食,Miss Sunny 就一口气食咗几碗!
周末半日游 – 上水至落马州单车路线 Miss Sunny
人流唔算多,大部份都係附近工作嘅人同单车友。

落马州单车路线第五站:边境地标得月楼

休息够又要继续行程。踩大约 20分钟左右就会见到近年先开放嘅得月楼村。呢度係边境禁区之一,村民要有禁区纸先可以入去。虽然得月楼村与港铁站仅一河之隔,但得月楼村长满树木,与人来人往嘅港铁站同深圳罗湖口岸联检大楼,有明显嘅对比。当然,Miss Sunny 没有禁区纸,我们一行人就只可以经过得月楼警岗,看看呢个特别嘅景色。

周末半日游 – 上水至落马州单车路线 Miss Sunny
得月楼警岗係为村民检查禁区纸嘅地方。
周末半日游 – 上水至落马州单车路线 Miss Sunny
得月楼村要有禁区纸先入得去,相当神秘。

落马州单车路线第六站:返璞归真信义新村

喺得月楼警岗向西边,一直踩就係信义新村。沿路主要都係农田同草地,仲有好多芒草!踩半小时左右就会到马草垄信义新村合作社。虽然外表简陋,但就係旅程嘅最后一个补给站,要好好把握时间休息。再经过马草垄会见到一个小水塘,望远少少就已经见到深圳嘅高楼大厦,形成强烈对比。

周末半日游 – 上水至落马州单车路线 Miss Sunny
沿路有唔少芒草。
周末半日游 – 上水至落马州单车路线 Miss Sunny
马草垄村同料壆村都係边境村庄,人迹稀少,十分纯朴。
周末半日游 – 上水至落马州单车路线 Miss Sunny
沿经一个公厕,大家可以去方便一吓。
周末半日游 – 上水至落马州单车路线 Miss Sunny
信义新村合作社外表简陋,但就係旅程嘅最后一个补给站,要好好把握时间休息。
周末半日游 – 上水至落马州单车路线 Miss Sunny
小水塘,望远少少就已经见到深圳嘅高楼大厦,形成强烈对比。
周末半日游 – 上水至落马州单车路线 Miss Sunny
沿路大多数都係农田,很难想像自己身处喺香港。

落马州单车路线最后一站:宁静的落马洲湿地

过咗信义新村就係落马洲,好多人都会选择回程,但其实呢度都有唔少嘢睇。向新田方向出发,经过 落马洲公共交通转车站,再经过新田购物城,从惇裕路一直踩,大约一个钟就会到今次落马州单车路线最后一站!落马洲湿地係由港铁管理嘅人工湿地之一。因为要保护啲候鸟,一般都唔会对外开放。不过係旁边欣赏,都已经好舒服,想思绪平静一吓嘅人,一定会好锺意!

周末半日游 – 上水至落马州单车路线 Miss Sunny
向新田方向出发,踩大约一个钟就会到今次落马州单车路线最后一站。
周末半日游 – 上水至落马州单车路线 Miss Sunny
途中会经过落马洲公共交通转车站同新田购物城。
周末半日游 – 上水至落马州单车路线 Miss Sunny
宁静嘅环境,好舒服。
周末半日游 – 上水至落马州单车路线 Miss Sunny
村民係船上工作,好简单、纯朴。
周末半日游 – 上水至落马州单车路线 Miss Sunny
湿地就喺正落马洲站隔离,离远都见到好多候鸟喺度搵食。
周末半日游 – 上水至落马州单车路线 Miss Sunny
可能係因为已经入冬,有唔少候鸟由北方飞落嚟过冬,停低喺外围一阵,已经见到唔少雀仔喺头顶四围飞呢!

周末半日游 – 上水至落马州单车路线 Miss Sunny

落马州单车路线 – 小总结

今次嘅落马州单车路线远离烦嚣,可以亲亲大自然。加上大部份都係平地,适合假日游。不过,踩单车、影靓相嘅同时,都要做足安全措施同爱护环境呀!记得自己垃圾自己带走啊!

上一篇:
下一篇: